Weihnachtswünsche
Allen unseren Mitgliedern und Bekannten wünschen wir ein besinnliches Weihnachtsfest und einen guten Rutsch ins Jahr 2024.
I gloub, mr hônd no Platz
Am hoôligo-n-Ôbod spôôt,
as heät scho donklat gha,
dô scheällat a dr Töor
a-n-arma, alta Maa.
Ma merkt’s ar stenkt nôch Schnaps,
ar stenkt ou sus wi Päscht.
Ar heät vrlompat Hääß –
und meor siend grüscht füör’s Fäscht.
Ar schlottorat und früt,
a Bild, daß Gott arbarm,
heät blau arfrouoro Händ –
und meor hônd’s Stübli warm.
Ar stôht ir donklo Nacht
und ischt so ganz allouo –
und meor siend üser viil –
was soll i gad ou touo?
„I gloub mr hônd no Platz!“
säg ich und gang voraa.
Worom soll äor nid ou
a schüoni Winat ha?
Mer richtind om a Bad,
vom Vattr Hääß und Schuoch,
und wi ar usa-kunt,
tuot ar an luto Fluoch:
„Bim Herrgottsakramänt!“
ar füörcht si dô ko Sönd,
„i wär jô ou wi d’Lüt,
wäm-mi all wäscho könnt!“
Mer geänd om ghöori z’Nacht
Ar lärt do Tällar gnouot.
D’Kiend brengind Käs und Wuorscht,
di Klännscht rännt mit dom Brouot.
Und wi ar ferti ischt,
dô fôôcht dänn’s Fiira-n-a.
Ma sengt und ouos von Kienda
zöndt do-n-Apfäntkranz a.
Und mietta i di Vorfröüd
dô lüt as zmôl ganz fin,
und jeda wuôßt jetz dütli:
das kann gad’s Chrischtkiend sin.
Und wierkli, di ganz Stubo
ischt volla Glanz und Pracht;
und glückli und argrieffo
sengt gär alls: Stille Nacht!
D’Kiend schiiland scho uf Gschänkr,
dar Maa siecht gär nünt meo.
Vauor heät ar noch lut gsongo
– jetz gellat ar vor si heo.
Gott lit dô in ar Krieppo,
wierd Mänsch füör üs allouo –
ou äor will widr Mänsch sin
und a klei ghöori touo.
D’Kiend trôômind jetz von Pöppli,
im Käor on schlôôft dar Maa –
I gloub, mr hônd no gär nio
so a schüöni Winat gha.
Sieglinde Fitz-Grabher